رباعيات من ثنايا ماضيَّ }

بوست قديم

حبيت اعيد نشره تاني

ياخد حقه بقى وكده

وياخد جو الاحباط اللي مالي المدونه ده

اسيبكم بقى

ابقوا ادعولي عشان اكزماتي السبت الجاي :)

جلست اليوم ولست ادري لماذا انبش عن مذكراتي القديمه واوراقي التي احتفظ بها

فوجئت بكم هائل من الاوراق كان قداصبح طي النسيان

ربما لأني لست من النوع المنظم .. هذا هنا وهذه هناك

لست اهتم لما كتبته سابقا ولن اهتم على مااعتقد

ومن بين اوراقي التي تناثرت حولي عالارض

وجدت احدى مذكراتي القديمه

التي كنت اكتب فيها اي وكل شئ



ووجدتني اقلب صفحات الماضي ...

ومن بين طيات الصفحات وجدت انني قد كتبت شيئا ما

رباعيات .. كنت قد انبهرت بها في ذلك الوقت ..

وكتبتها مخصوص ليطلع عليها شخص ما .. ولقد فعل ..

حسنا حان الوقت لتخرج الى النور

...


1- الحب ياعمي معروف بناره
الكل شاف قسوته وداق من مراره
بس اعمل ايه ف قلبي
شافها وابتدا ف طريق الحب مشواره

2- شفت الشعر الي طاير بصراحه قلبي دق
من حٌسن رموش عيونها انا قلبي حن ورق
دانا كنت ياناس خلاص قربت انسى الحنين
بس مين ال فينا مين يقدر يقول للحب لأ

3- حبيت عيونك ياقمر من غير كلام
وكل ماكبر بيزيد حنيني عام بعد عام
دانا ف بحور حبك غريق
مدي ايدك واسحبيني .. ع شط الغرام

4- لو حبيت مرة يبقى كفايه عليك
سنة سنتين او اكتر الحب غطى عنيك
فوق للحياه ولنفسك وماتفضلش واهم
دانت الوحيد مستني والناس بتجري من حواليك

5- عصفوري ساب عشه وطار لبعيد
كان ساكن جمب بيتنا وكل يوم كنت اسمع التغريد
لحد اما الخناق خبط ع باب بيتي
سابني وراح لحتة الحب فيها لسه وليد

6- الحب ده لاعيب فنان
يشوط ف نص القلب يجيب اجوان
واي دفاع قدامه يتجنن
ومين وقف ف طريقه هـ يترقص الغلبان

واكتفي بهذا القدر
مع التنويه .. الكلام من اكتر من سنتين
عشان كده اعذروا رداءه الاسلوب (=

هيس هيس تبقى كويس : فرق السما والعما }~

اهلا

من زمان ما اطلقتش العنان للتهييس انا .. بس حان الوقت وآن

آن آن تـشششش



كان يامكان يا اخواني ياكرام في زمان - مش زمان اوي يعني - بنوته عسوله كده

بريئه كده ورقيقة كده والخ يعني كده وكده

طبعا ده هطل



كل الحكايه اني
< ده شكلي بعد التعوق

اي نعم انا جالي اعاااقه ومستديمه كمان بعيد الشر عنكم

ياناس انا عايزه ارجع تبوك تاني



ايوه انا عارفه اني عملت قرد عشان انزل ايجبتو ودلوقتي كل يوم بعمل كده

انا ياناس كل ما اجي اتكلم مع حد يحصل كده

( اصمتي يافتاه )

اوفففففففففففففففففففففف

طيب هخش ف الموضوع



فرق السما والعما بين هناك وهنا ف حجات كتير اولها واهمها واكتر حاجه ماكنتش متوقعه اني احتاج لها بالشكل الشنيع ده

اممممممممممممممممممممي

عاااااااااااااااااااااااااااااااااااااااااا

انا عايزه ماما بجد هنا مهما كتروا الناس مش لاقيه زي الست دي ابدا ماكنتش متوقعه ان امهات الناس التانيه مايتقارنوش بيها كده

امي يابهوات بتفهمني بتحضني بتغطيني بتعملي اكل بتخاف عليا والاهم من ده كله بعرف احكيلها كل حاجه دماغها مش متقفله منفتحه بدرجه شاسعه عن الاقفال اللي هنا والحمدلله مش حرماني من حاجه عمري ماحسيت باحتياج لاي حاجه الا دلوقتي رغم ان معايا فلوس بس مش بعرف اصرف زي ماكنت بصرف هناك عشان انا باختشي وبراعي كلام عماتي اللي مش بيخلص عن ابويا ابو ايد مخرومه اللي عودنا ع الصرف

انا مش هتكلم عن كل اصناف الامهات اللي شفتهم وعاشرتهم هنا من عماتي لخلاتي لطنطاتي عشان حرام انم بس انما يا امممممي انتي مافيش زيك على وجه الكره الارضيه ابداااا

دي ليكي يامامتي

كلها اسبوعين وجيالك



فرق السما والعما تاني بين بيتنا حبيبي ااااااااه ياني يابيتنا وبين اي بيت تاني انا عشت فيه

ف بيتنا الحبيب توجد غرفه مستقله ل امينه ل موني ليا انااااااا ( وحشتني الاوضه )

اه فيها منشر وامي بتحط فيها حجات كتير مالهاش لازمه من اول البايركس لحد التايد بس اسمها اوضتيىىىىىى

هناك استطيع النوم بحريه بغطا بقى من غير غطا الصبح هقفل الستاير بالليل هطفي النور

مافيش حد هيدخل عليا مافيش حد هيقلق منامي مافيش حد هيذاكر جمبي

ف البرد هشغل الدفايه ( والبرد لسه ماجاش اسوان الا تلت ايام بالظبط ) ف الحر هفتح المروحه او التكييف وده اللي مش بعرف اعمله براحتي هنا لاني بنام مع اتنين تاني وكل واحده ودرجه حرارتها بقى

يعني وانا بتكسف اجبر حد ع مروحه ومش هقول تكييف عشان - اه ياغلبي ياني - التكييف ف بيت عمتي اللي انا ساكنه فيه حاليا بما انه صحراوي وتحت بيتنا فرن جدي ف بيسحب حراره وكأن تربتين ابوه مش شغال ف انا اكلينكيا بموت ف الصيف

ف اوضتي بعرف اعيط براحتي دلوقتي بحبس دمعتي عيني عليا ياني ياما عشان مابحبش حد يتفرج عليا بعيط

نو دبان نو ناموس ان ماي روم ف تبوك مش بس ف ماي روم نووو ده ف البيت كله لا بالأحرى ف تبوك ياخواتي اشوف دبانه بس ولا ناموسه يانااااس حاليا انا سبب من اسباب الاعاقه اللي جاتلي هو الناموس الزفتتتت ولو كان الناموس رجلا لفطسته

ف اوضتي كان فيه موبايل ولاب وفيشه وشاحن ومشترك وباسكت وكلهم يا اما فوق السرير او جمبه وكل ده كفيل باني ماخرجش من اوضتي خالص مالص

حاليا هكتفي بالصراخ

كفايه كلام عن اوضتي اللي مالقيتش زيها ف اي بيت من بيوت العمات او الخالات او الطنطات



فرق السما والعما وحدث ولا حرج عن العيشه بلا نت ( يانهار كحلي ) بعد ما كان النت زي الهوا اللي بنتنفسه وكان لا غنى عنه زي الميا اللي بنشربها

شفتوا العته اهو شبه كده انا جالي من ده

انا بستنى كل اسبوعين عشان نت وقعدت شهور بتاع تلاته ولا حاجه من غيره لحد ماحسيت ان جالي ازبهلال دائم غير مؤقت ولا رجعة فيه مش هحكي عن اللي حصلي اكتر من كده عشان نفسيتي هتتعب قبل نفسيتكم



من الحجات اللي ادى اليها انقطاع النت سدت نفسي عن كل حاجه تتعلق بلابي اللي شرياه جديد اساسا عشان اقعد عليه نت مش عشان اخليه زينه وده طبعا ادى لاهمال مفاجئ ف حبي للفوتو والمدونه والتدوين والفيس وكل نشاطاتي النتيه ده غير اكتر حاجه حسستني بالذل والقهر ان لما اي حد يسألني الماتش الساعه كام انا ياناس انا امينه الاغا مش بعرف اجاوب دانا احيانا كنت بعرف ان فيه ماتشات بالصدفه كل ده عشان مافيش نت

كنت كل ماجي بيت خالتي افتح شويه ومايهونش عليا اكتب وارجع تاني لقريش اللي مافيهاش نت وماعرفش اتابع واعلق وارد

بس حاليا مافيش بايدي غير اني اعمل كده

اه ياما اه



فرق السما والعما بين اني كان عندي يمنى حبيبتي وروح قلبي وعنيا اللي اخيرا عرفت امي خلفتها ليه

البت دي ع الاقل كانت مدية لحياتي طعم اه ياني ياختشيىى مافيش حد بيعملي لمون دلوقتي ولا بيجبلي بورشام لما اتعب ولا يغسلي المواعين اه ياقلب اختتتتتتك والله وحشتيني يادزمه

ماكنتش بتكسف منك ياروح قلب امينه انتي انما دلوقتي مش عارفه اطلب من حد حاجه تعالي ياختي شوفيني متشحططه ازاي

ساره وياسمين مش وحشيين بالعكس خالص بس مافيش زي البت اختي حبيبتي ابدااااا



فرق السما والعما بين حجات كتير مش عايزه اقولها عشان نفسيتي تعبت بجد

بس انا كنت فاكره اني مابذاكرش لما كنت ف السعوديه اللي عايزه يعرف معنى كلمه مش بذاكر يجي يتفرج على حضرتي هنا

نفسيتي

داون

داون

داون

ويارب ارجع السعوديه تاني ان شالله اولى ثانوي (مش اوي كده)

لحسن هموت كده





ياريت ماحدش يفتكر اني بغمق صوره هنا اوي انا فعلا بخرج وبتفسح وقاعده مع ساره توأم روحي ف بيت واحد وبلبس كل اللي بحبه ( مش كله اوي يعني ) وليا صحاب وبتاع بس مش زي ماكنت مرتاحه هناك كفايه الناس الكتير اللي كل واحد او واحده فيهم عامل عليا ولي امر والكلمه اللي خنقاني اوي انتي اماانه الي مش بتطلع ابقاقهم غيرها

اخيرا

انا بحب مصر واتضحلي فعلا ان العيشه هنا ماتنفعش الا ف اجااااااااااازه

شهر و ع السعوديه تاني عدل

سلام ياناس احسن باينني طولت وانا عندي امتحان ميكانيكا يوم الاتنين

ادعولي




كانت معكم من وراء الكيبورد : توتــآ ~