انا اكتشفت }

هتوحشنيىىىىىىىىى يا بيبو (K)

البوست هيبقى طويل شويه .. اصله قبل الاخير من هذه الارض ...

وهستعين فيه بصور انا مصورااها من زمان او دلوقتي المهم ان كل حاجه انا مصوراها ...

,



اكتشفت ان بسمه ساكنة ف اعلى عمارة ف تبوك .. ومن هناك تقدر تصور الي انت عايزه ...

اكتشفت اني اكتر واحده عندها بوسترز بتتعلق ع الحيطه بس المشكله انها مش متعلقه ..




اكتشفت اني كنت بكابر ف حبي للغردقة ..

اكتشفت اني ماكنتش ببص من شباك اوضتي ...

اكتشفت ان انا الوحيده الي بشتري كل يوم شيتوس بالشطه مع اني بصحى عندي كل الامراض منه
بس برجع اكله تاني

اكتشفت ان فصلي كان فصل حضانه والله مش فصل تالته ثانوي .. :D

بس وحشني اوي والله ..

بعد مافكرت اكتشفت اني جبت 92% من غير مذاكره ولا اي بذل مجهود
مش عارفه لو كنت ذاكرت كان هيحصل ايه ...

ان شاء الله نازله مصر الاسبوع الجاي
وهدخل اداب انجليزي ان شاء الله وهقعد
عندي خالتي وجدتي الحمدلله كده فل اوي



اكتشفت ان ابويا وامي اكتر ناس بيحبوا التعب ف العالم .. بيعزلوا من البيت الي كنا فيه
للبيت الي قصاده ومافيش بينهم فرق ربع متر :))

شفتوا الهنا :D نفسسسس البيت ياناس بس الفرق انه مافيهوش بلكونه

وناويين ينقلوا كمان شهرين بيت تاني ههههههه

انا اكتشفت ان اكتر حاجه بكرها العزال ..

اكتشفت ان عيلتنا اكتر ناس بتحب تعمل اعادة تصنيع وتحتفظ بحجات قديمه :D

المراوح دي مرميه فوق السطح معرف بقالها سنه باين ليه الله اعلم :D

* الصورة اتحذفت من الرقابه :D *

واكتشفت ان احنا اكتر ناس عندها كراكيب اكتشفناها لما جينا نعزل
ماما بتجيب حجات وتخزن وعمرنا مابنفتكر الحجات دي الا بالصدفه



اكتشفت ان اوضتي كانت عباره عن بدرووم ونمليه وانا كنت مغلوبه ع امري
ودلوقتي بما ان يمنى ورثت الاوضه ف الشقه الجديده ف كل ده واكتر مالوش مكان :D
لأنها مستحيل تسمح بده يحصل ع جثتهاااا هيهيهي

اكتشفت انهم وقعوني من قعر القفه وان مالييش ف البيت ده غير الحاجه الي فوق الكومودينو

قال عشان ايه انا مسافره خلاص وطبعا ولا ليا اوضه ولا سرير ولا حتى دولاب :D

حسره عليا ههههه



تصدقوا ان كل حجاتي لسه مرميه ف اوضتي القديمه ياجدعان ولما رحت بصيت
اكتشفت اني عندي حجات كتير اوي اوي ع التسريحه بحكم ان ماما دكتورة جلديه
ف كنت بهتم غصب عني :D بس بجد it's a good thing



اكتشفت اني ف بيتنا الجديد حاسه بالغربه .. يمكن عشان الاوضه شرحه برحه وتفتح النفس
طبعا انا ضيفة ع اوضة يمنى غصب عنها وواخده نص السرير :D
ومافيش حاجه محسساني بالالفه غير المنشر الي محطوط عندها مؤقتا اصله كان ف اوضتي
ههههههههههه





اكتشفت ان عندنا سايبر ف بيتنا ومش بنتجمع غير وقت الغدا

غير كده كل واحد على جهازو ...



اكتشفت ان عندي مصحف مش بمسكه الا ف رمضان :(



اكتشفت اني عجزت اوي ومابقدرش امشي كتير زي البنات الي قدي :D

البيبسي الله يخرب بيته هيجبلي هشاشه قريبا جدااااا :D




اكتشفت اني بحب المنظره اوي وبحب اصرف وبس

موبايلي عايزه اغيره ليه معرفش :D

اكتشفت اني لازم اعترف ان الفيس بوك سرقني من المدونه ومكسله اعمل ايه حاجه فيه
من يوم ماعملت الاكاونت :D
الي عايز يعملي اد يتفضل هنا



اخيرا اكتشفت اني طولت اوي اوي :D
بس خلاص ده البوست الي قبل الاخير من تبوك الورد
انتظروني ف الحلقه الاخير هع هع هع

سلاااااااااااااااام